Información xeral
Verbo do dispositivo
A utilización do dispositivo sen fíos descrito nesta guía está
aprobada en redes EGSM de 900 e 1800 MHz. Póñase en
contacto co seu fornecedor de servizos para obter máis
información acerca das redes.
Aviso:
Para utilizar as funcións deste dispositivo, a excepción do
espertador, é necesario que se atope acendido. Non acenda
o dispositivo en lugares nos que poida provocar
interferencias ou poida supoñer un perigo.
Ao utilizar este dispositivo, obedeza todas as leis e respecte
os costumes locais, os dereitos de privacidade e lexítimos dos
demais, incluíndo os dereitos de autor. A protección dos
dereitos de autor pode evitar que algunhas imaxes, música e
outros contidos sexan copiados, modificados ou transferidos.
Faga copias de seguridade ou garde un rexistro por escrito
de toda a información importante almacenada no seu
dispositivo.
Cando se conecte a calquera outro dispositivo, lea esta guía
de usuario para obter instrucións de seguridade detalladas.
Non conecte produtos incompatibles.
É posible que as imaxes desta guía sexan distintas ás da
pantalla do dispositivo.
Servizos de rede
Para utilizar o dispositivo, cómpre dispoñer dos servizos dun
fornecedor de servizos sen fíos. Algunhas funcións non se
atopan dispoñibles en todas as redes; é posible que para
poder utilizar outras funcións sexa necesario establecer
acordos específicos co seu fornecedor de servizos. Os servizos
de rede implican a transmisión de datos. Comprobe co seu
fornecedor de servizos os detalles verbo de tarifas na súa rede
propia ou durante a itinerancia noutras redes. Este pode
explicarlle os importes que lle serán cargados polo servizo.
É posible que o seu fornecedor de servizos ordenase a
desactivación ou non activación de determinadas funcións no
dispositivo. En tal caso, as mencionadas funcións non
aparecerán no menú do dispositivo. Tamén é posible que o
dispositivo dispoña de elementos personalizados como os
nomes ou a orde dos menús e as iconas.
Asistencia técnica
Se desexa máis información acerca do uso do seu produto, ou
se non está seguro do funcionamento do seu teléfono,
consulte a guía do usuario, as páxinas de axuda en
www.nokia.com/support ou o sitio web de Nokia para o seu
país. Se prefire facelo dende o teléfono móbil, visite
www.nokia.mobi/support.
Se así non se resolve o seu problema, tente o seguinte:
•
Reinicie o teléfono: apague o teléfono e retire a batería.
Pasado un minuto, volva a colocar a batería e acenda o
teléfono.
•
Restableza a configuración orixinal de fábrica do modo
indicado na guía de usuario.
Se continúa sen resolver o problema, póñase en contacto con
Nokia para obter información acerca doutras opcións de
reparación. Consulte www.nokia.com/repair. Antes de enviar
a amañar o teléfono, lembre facer unha copia de seguridade
dos datos do teléfono.